Independent Forest Monitoring




პარტიები გვპირდებიან

ადგილობრივი თვითმმართველობის არჩევნები 2010

ინტერვიუ მოქალაქეთა პოლიტიკური გაერთიანება ,,ქრისტიან დემოკრატიული მოძრაობის" მერობის კანდიდატთან, გია ჭანტურიასთან

29 მაისი. 2010 წ.

ბატონო გია, ჩვენი პირველი შეკითხვა ესეთია, როგორ ფიქრობთ რა გარემოსდაცვითი პრობლემებია თბილისში, რომელიც მოსახლეობას განსაკუთრებულად აწუხებს?

მე ვფიქრობ, რომ უმთავრესი პრობლემაა, რომელიც მოსახლეობას აწუხებს ორ ასპექტში გამოიხატება. პირველი არის ის, რომ თბილისში ფაქტიურად მოისპო საპარკო სისტემა, დაირღვა მწვანე საფარი. მეორე დიდი პრობლემა არის ის, რომ ქალაქში აღარ არსებობს ბუნებრივი განიავების საშუალება. თბილისს არ გააჩნია ურბანული გენერალური გეგმა, ამიტომ თბილისში აღარ არსებობს გარემოს ზემოქმედების შეფასების შესაძლებლობა. აქედან გამომდინარე, გარემოზე საუბარი არის ძალიან არასერიოზული. ჩვენ უნდა შევცვალოთ დამოკიდებულება... გარემოს დაზიანების შემდეგ არ უნდა ვიფიკროთ მოსალოდნელ შედეგებზე. ჩვენ თუ ამას არ გავაკეთებთ, ჩვენ ყოველთვის ვიქნებით ჩამორჩენილი ქვეყნების რიგებში.

თქვენი გამარჯვების შემთხვევაში, როდესაც თქვენი პარტია მუშაობას განაგრძობს საკრებულოში, ჩვენ შესაძლოა გვქონდეს იმის მოლოდინი, რომ თქვენ მხარს დაუჭერთ ამ გეგმის მიღებას?

დიახ. ეს იქნება უპირველესი ნაბიჯი. ამ გეგმის მიღება ნებისმიერი ქალაქისათვის კონსტიტუციის მიღების ტოლფასია. გეგმაში გათვალისწინებული უნდა იყოს გარემოზე ზემოქმედების შეფასება. ჩვენ ქვეყანაში, ვერ ვისწავლეთ ამის გაკეთება... მე ვიყავი პირველი ადამიანი, ვინც ურბანული გენერალური გეგმა გააკეთა და ამით ძალიან ვამაყოფ.

დიდი მითქმა-მოთქმა გამოიწვია ესტაკადის მშენებლობამ. რკინიგზის გადატანის იდეამ... როგორ ფიქრობთ, რამდენად უნდა იყოს მოსახლეობა ამ პროცესებში ჩართული?

თავიწყოთ იქიდან, რომ ასეთი პროექტები უნდა თანხმდებოდეს საზოგადოებასთან. ასეთი გრანდიოზული პროექტების განხორციელების დროს ორი მომენტია მნიშვნელოვანი. პირველი, როდესაც პროექტის განხორციელების აუცილებლობა ახსნილია საზოგადოებისათვის და მეორე, როცა ადამინებს ეძლევა საშუალება, რამოდენიმე პროექტიდან თავად აირჩიონ, თუ რომელი პროექტის განხორციელბა უფრო აუცილებელია.

თუ რამე პროექტის ინიციატორი არის საჯარო უწყება, ის თავისუფლდება გარემოზე ზემოქმედების შეფასებისაგან, რამდენად სწორად მიგაჩნიათ ეს დამოკიდებულება?

ეს არის დანაშაული. ეს არაცივილური მიდგომაა. თუ არ ხდება გარემოზე ზემოქმედების შეფასება, მაშინ უნდა შეეგუოს ქვეყანა იმას, რომ არცერთი საერთაშორისი ორგანიზაცია არ განახორციელებს საქართველოში პროექტს.

ხომ არ ფიქრობთ, რომ თქვენმა პარტიამ ეს საკითხი პარლამენტში დააყენოს?

მე შემიძლია რეკომენდაცია გაუწიო ამ საკითხს პარტიაში. ჩვენ ამ საკითხის გადაწყვეტით დიდი სიკეთეს გაუკეთებთ ჩვენ ქვეყანას.

თბილისის მოსახლეობას უამრავი პრობლემა აწუხებს, მაგრამ მე ორ მნიშვნელოვან პრობლემას გამოვყოფდი. ეს არის ქალაქში მანქანების სიმრავლე და ხარისხიანი წყალით ქალაქის მომარაგება. როგორ ფიქრობთ, როგორ უნდა მოხდეს ამ პრობლემების გადაწყვეტა?

მე მიმაჩნია, რომ ეს უმძიმესი პრობლემებია... მე კიდევ ვიმეორებ, რადგან არ არსებობს ურბანული გენერალური გემა, ყველაფერი კეთდება უსისტემოდ. მაგალითად, დღეს თბილისში იმდენი მშნებლობა მიმდინარეობს, რომ აღარ არსებობს განიავენის საშუალება. 80 სანტიმეტრს ქვევით არის მომწამლავი ზონა, რაზეც არავინ არ საუბრობს, მაგრამ მე ეს დაზუსტებით ვიცი... თანამედროვე მსოფლიოში ვერ ნახავთ შენობას, რომელსაც ხურავენ თუნუქის სახურავით. ეს რადიაციული მასალაა, რომელიც მსოფლიოში აღარ გამოიყენება. ჩვენთვის ეს მასალა მისაღებია, მისი დაბალი ფასის გამო. ჩვენი აშენებული შენობები არ პასუხობს მინიმალურ მოთხოვნებს, ელექტრო ეფექტურობას. ჩვენ ისეთ სახლებში ვაპირებთ მოსახლეობის შესახლებას, რომ ეს დიდი დანაშაულია. მასალები რომლითაც შენობები შენდება რადიაციულია... დიდი დანაშაულია ის, რომ სასმელი წყლით ირწყვენა გაზონები, შადრევნებში დარღვეულია ცირკულაცია. მოსპობილია ტექნიკური წყლის სიტემა, - ეს დანაშაულია.

ეკონომიკური საკითხები ხშირად დამოკიდებულია ბუნებრივ რესურსებზე. საქართველოშო იყო საუბარი, რომ დაგვეწყო წყლის იმპორტი. ხომ ვერ მეტყვით, რატომ არ მოხდა ამ იდეის განვითარება, ქრისტიან დემოკრატების მიერ?

მე ამას ვერ გეტყვით, ეს შეგიძლიათ ქრისტიან დემოკრატებს კითხოთ. წყალი ჩვენთან, არის ორი უკიდურესობის ფაზაში. პირველი, ჩვენთან წყლის რესურსი დიდია, მაგრამ ჩვენ არ ვიცით მისი რეალური ფასი და მეორე, წყლის მოხმარების სისტემა, ვერცერთ ცივილიზებულ ქვეყნის სისტემას ვერ ექვემდებარება. ჩვენ არ ვიცით რა არის დღისა და ღამის წყალი, არ ვიცით რა არის ტექნიკური წყალი. აღარაფერს ვამბობ იმაზე, რომ სათაო ნაგებობეიდან დაწყებული ყველაფერი შესაცვლელია. ამ პრობლემების დარეგურილება შესაძლებელია სწორი მუშაობით. ხელშეკრულება საიდუმლოა და ძნელია საუბარი, თუ რა ვალდებულებები აქვს მყიდველ კომპანიას. როდესაც სახელმწიფო რამეს ყიდის, ჯერ უნდა იცოდეს კომპანიის საქმიანობა, მისი დამოკიდებულება გარემოსდაცვის საკითხების მიმართ. თანამედროვე მსოფლიოში ტენდერს იგებს ის კომპანია, რომელიც ითვალისწინებს გარემოსდაცვით საკითხებს. ტენდერის ჩატარების დროს მისი მომსახურების ფასი გადამწყვეტი არ არის. ჩვენ ვერ მოვახერხეთ, რომ ისეთი ორგანიზაციები შეგვექმნა, რომლებიც მიახლოებულები იქნებოდენ მსოფლიოს გარემოსდაცვით ორგანიზაციებთან. არასამთავრობო ორგანიზაციების ჩართულობა აუცილებელია. მათ ძალიან სერიოზულად უნდა იმუშაონ.

ბატონო გია, საარჩევნო მარათონის დროს, თუ შეხვდით ლილოს და ავჭალის მოსახლეობას?

დიახ. მე ვიცი ლილოში მცხოვრები მოსახლეობის დამოკიდებულება, ნაგავსაყრელთან დაკავშირებით... ავჭალის მოსახლეობა წინააღმდეგია იმისა, რომ იქ გაკეთდეს სარკინოგზო კვანძი. მე ჩემი პოზიცი მაქვს, ამ საკითხებთან დაკავშირებით. ქალაქში უნდა აშენდეს სამი ნაგვის გადამაუშავებელი ქარხანა. ეს არის ეკოლოგიურად სუფთა წარმოება. თან ნარჩენები ერთ ადგილზე არ მოიყრის თავს... რკინიგზის გადატანასათან დაკავშირებით, მე ვთვლი, რომ ამის აუცილებლობა არ არსებობს. ეს უნდა გადაწყვიტოს საზოგადოებამ. მოსახლეობამ უნდა იცოდეს, თუ რა არის რკინიგზის გადატანის მიზანი, თუ საზოგადოებისათვის უფრო მნიშვნელოვანია, რომ აშენდეს ერთი საავადმყოფო, რომელიც მოემსახურება სოციალურად დაუცველ მოსახლეობას, მაშინ აჯობებს, რომ საზოგადოებამ თავად გადაწყვიტოს რა ჯობია მისთვის. საზოგადოების ჩართულობა ყველა პროცესში აუცილებელია.

რეკრეაციულ ზონებთან დაკავშირებით მინდა გკითხოთ, როგორ ფიქრობთ, როგორ უნდა ვაიძულოთ ხელისუფლება, რომ შენარჩუნებული იქნეს რეკრეაციული ზონები?

მარტო არსებული რეკრეაციული ზონების შენარჩუნება არ არის საკმარისი, ჩვენ ახალი ზონების გაჩენაზე უნდა ვიფიქროთ. ჩვენ უნდა გავიზიაროთ, მსოფლიოს განვითარებული ქვეყნების გამოცდილება. უნდა მოვიწვიოთ სარეთაშორისო ექსპერტები, რომ ამ საკითხის მოგვარებაში დაგვეხმარონ. ვიდრე არ არსებობს ურბანული დაგეგმარების გემა, ჩვენ არ გვეცოდინება რისი გაკეთება არის ამ კუთხით შესაძლებელი. ვინმემ რომ მითხრას, რომ გააკეთებს 10 რეკრეაციულ ზონას თბილისში, ეს არ იქნება სერიოზული განაცხადი.

ბატონი გია, მონდა ბოლო კითხვა დაგისვათ, ერთი თვეა რაც გიგი უგულავამ ხელი მოაწერა ევროპის მერების შეთნხმებას. ჩვენ ვალდებულებას ვიღებთ ჩვენ თავზე, რომ 2020 წლისათვის შევამცირებთ სათბური გაზების მოხმარება. თქვენ თუ აიღებთ საკუთარ თავზე ამ ვალდებულების შესრულებას?

მე ვთვლი, რომ ამ საკითში ჩვენი ჩართულობა მნიშვნელოვანია. ევროკავშირში შარშან დამტკიცდა ევროპის ენერგეტიკული უსაფრთხოების პროგრამა, ეს ხელშეკრულებაც ამ შეთანხმების ნაწილია. არის გამოყოფილი თანხები, რომ ამ ხელშეკრულების შეთანხმება მოხდეს. ჩვენ გვაქვს უნიკალური შანსი, რადგან ჩვენ შეუერთდით ამ ხელშეკრულებას. გვაქვს შანსი, რომ ეს ყველაფერი ჩვენს სასარგებლოდ გამოვიყენოთ. ოთხი საერთაშორისო ბაზარი შეიქმნა, რომ ამ გლოტების გადანაწილება მოხდეს. ეს ყველაფერი თბილის აძლევს შანს, რომ დამატებითი შემოსავალი გაჩნდეს. მე მიმაჩნია, რომ ეს ძალიან სერიოზული პროექტია და მხოლოდ ხელმოწერით არ უნდა შემოვიფარგლოთ.

უკან
ინტერვიუები
მხარდაჭერილია საქართველოში ნიდერლანდების სამეფოს საელჩოს მიერ
Copyright © Green Alternative. All rights reserved