Independent Forest Monitoring




პარტიები გვპირდებიან

ადგილობრივი თვითმმართველობის არჩევნები 2010

პარტია ,,ახალი მემარჯვენეები’’-ს წევრი ფიქრია ჩიხრაძე

11 მაისი, 2010წ

თქვენი აზრით რა გარემოსდაცვითი პრობლემა აწუხებს თბილისის მოსახლეობას ყველაზე მეტად?

მოდით ასე შევხედოთ საკითხს, ვინც ამ თემებზე უფრო მეტად ფიქრობს მან იცის, რომ ამ თვალსაზრისით უმძიმესი მდგომარეობა არის, მაგრამ საზოგადოება ამ პრობლემებზე ძალიან ნაკლებად ფიქრობს, ამას ალბათ აქვს თავისი ახსნა. არის იმდენად ელემენტარული ყოფითი პრობლემები დაგროვილი, რომ კონკრეტულად, ადამიანებს, ოჯახებს, საზოგადოებრივ ინსტიტუტებს არა აქვთ, ასე ვთქვათ, პირველი როგის ამოცანებში გადმოტანილი ეს პრობლემები. პირველ რიგში, როცა ჯანმრთელობაზე ვლაპარაკობთ, როცა ადამიანს არა აქვს ელემენტარულად წამლის ფული, გადაუდებელი სასწრაფო სამედიცინო დახმარების ჩარევის აუცილებლობისათვის საჭირო თანხა, ეს არის უმძიმესი პრობლემა ყველა ოჯახისათვის. ადამიანი როცა იწყებს ფიქრს იმაზე, რომ რამდენად დაბინძურებულია თბილისში ჰაერი, ბევრი პრობლემის გამო, დაწყებული ცუდი ბენზინის მოხმარებით, რომელზეც ამ ქალაქში ლაპარაკი სულ არის, დამთავრებული იმით, რომ როგორც სპეცილაისტები ამბობენ, ახალმა განაშენიანებამ სრულიად დაახშო ბუნებრივი განიავების სისტემა, რომ ყოველდღიურად ჩვენ უმარავ შხამს ჩავისუნთქავთ და შესაძლოა ეს ჩვენი ჯანმრთელობისათვის უფრო დამანგრეველია, ვიდრე ის, რომ დღეს რაღაცა წამალი ვერ მიაშველო საკუთარ თავს, ან საკუთარი ოჯახის წევრებს. სამწუხაროდ, იმის გამო, რომ სოცილური პრობლემა, არის უმძიმესი და წინა პლანზე წამოწეული, არის პრობლემები, რომლებიც უკანა პლანზე არის გადაწეული და ამ შემთხვევაში, მე ვფიქრობ, ხელისუფლების მოვალეობა უფროა რაზედაც, ვერ ფიქრობს ხალხი იმის გამო, რომ ბევრად მძიმე და პირველი რიგის პრობლემები აწუხებს მისი გადასახედიდან, რომ ამ პრობლემებს მიხედოს იმან, ვისაც ეს ევალება, უფრო გლობალურად შეხედოს საკითხებს.

თქვენ ახსენეთ ჰაერი და ახსენეთ ახალი განაშენიანება, თქვენი კანდიდატის გამარჯვების შემთხვევაში ამ კუთხით რა შეიცლება?

სამწუხაროდ ჩვენ გვახსოვს ყველას, რომ სააკაშილი ხელისუფლებაში რეკრეაციული ადგილების დაცვით მოვიდა. მან სერიოზული რეიტინგის აკრეფა მოახდინა, როცა იქ მიმდინარე მშენებლობებს აპროტესტებდა და ტყის მასივის გაჩეხვას უშლიდა ხელს. მეორე იყო როცა, წყნეთში ტყეების გაჩეხვასთან დაკავშირებით უპირისპირდებოდა მთავრობას და ამბობდა, რომ გაჩეხვის შმეთხვევაში კვდებოდა ქალაქის სასუნთქი არტერია. იგივე იყო ვაკის პარკთან დაკავშირებით. სააკაშვილი მოვიდა ხელისუფლებაში და დიღმის ტყე-პარკის გაჩანაგება ისეთი ტემპით გაგრძელდა, რომ უკვე კატასტროფულ მაჩვენებელს მიაღწია. იგივე შეიძლება ითქვას ვაკის პარკზე და წყნეთზე, სადაც ტყეებზე უფრო მეტად სახლები ჩანს. რა თქმა უნდა ეს არის უსერიოზულესი პრობლემა და ეს არის ის, რომ საზოგადოება არ სთხოვს პოლიტიკურ ძალას, წინა საარჩევნო დაპირებების შესრულებას. საზოგადოება რომ უფრო მომთხოვნი ყოფილიყო იგივე სააკაშვილის მიმართ, შეიძლება ეს პრობლემები პოლიტიკური ნაწილისათვის უფრო მნიშვნელოვანი ყოფილიყო. მე ერთი შემიძლია გითხრათ, ეხლა იმდენად გაცვეთილია პოლიტიკოსების დაპირებები, რომ ძალიან ძნელია ვინმე დაარწმუნო იმაში, რომ რამეს გააკეთებ. ჩვენ რამოდენიმე შეხვედრა გვქონდა, დიღმის ტყე-პარკთან დაკავშირებით იქ მცხოვრებ მოსახლეობასთან, ჩვენ დავპირდით, რომ დღეს რა ვითარებაც არის იმას შევინარჩუნებდით, გარშემო სულ გაუჩეხავი ტყეებია, მაგრამ როგორც იქ მაცხოვრებლები ამბობენ ტერიტორიები უკვე გაყიდულია.

თუმცა არანაირი აუქციონი არ ჩატარებულა.

დიახ, მართლაც, არ ჩატარებულა და არც საზოგადოებისთვის ყოფილა ცნობილი. ამის საფუძველზე, რა თქმა უნდა შესაძლებელია ხელშეკრულება გაუქმდეს. მე დარწმუნებული ვარ ეს თუ მართლაც, გაყიდულია, გამოდის რომ ამ ადამიანებს უკანონოდ აქვთ ნაყიდი, თან ძალიან დაბალ ფასში, იმიტომ, რომ ვიღაცამ უკანონო მანიპულაციით მოითბო ხელი და იაფად ჩაიგდო ხელში ძალიან ძვირფასი ტერიტორია.

ანუ თქვენი გამარჯვების შემთხვევაში ტყე-პარკი ისევ საზოგადოებას დუბრუნდება და თავის დანიშნულებას შეინარჩუნებს?

იმ ფორმით აღარ დაუბრუნდება რა ფორმითაც იყო, იმიტომ, რომ დიდი ნაწილი გაჩანაგებულია. აქ ლაპარაკია ერთ მონაკვეთზე, ტრასასა და იმ მონაკვეთზე, სადაც ბენზინგასამართი სადგურები აშენდა და ესეც თავისთავად პრობლემა არის, ის უზარმაზარი ცისტერნები, რომლებიც მიწაში არის ჩადებული, რომლებიც ძალიან დიდი ეკოლოგირ საფრთხეს შეიცავენ. ამ ტერიტორიაზე ასევე არის მწვანე ნარგავები, რომლებიც მონიშნულია და შემოღობილია, მაგრამ ჯერჯერობით იქ არაფერი არ არის გაშენებული. დანარჩენი უკვე უნდა იფიქროს საზოგადოებამ, რომ გააჩინოს ახალი ფილტვები ქალაქისათვის. თქვენ იცით, რომ იპოდრომის ტერიტორიაც უკვე პრაქტიკულად ძალიან მძიმე მდგომარეობაშია, იქაც მაშტაბური მშენებლობა არის დაგეგმილი. მე ვფიქრობ, რომ ამის შეჩერების შესაძლებლობა ნამდვილად არის.

მართალია ირგვება ხეები, მაგრამ ეს ყველაფერი იმდენად უსისტემოდ კეთდება. რომ ჩართოთ ტელევიზორი ნახავთ, რომ ვიღაცამ სადღაც დარგო ხეები. ძალიან კარგია ნებისმიერი დარგული ხე, მაგრამ რაღაცა სისტემურობა ამაში არ იგრძნობა, ამაში იგრძნობა კამერის წინ კეკლუცობის მოთხოვნილება. არის ადგილების სადაც ნამდვილად გასაკეთებელია ქარსაცავი ზოლები, გარდა იმისა, რომ მწვანე ნარგავს ჟანგბადისათვის და სიცოცხლისათვის ძალიან დიდი მნიშვნელობა აქვს, სხვა დანიშნულებაც აქვს. და გეგმა-ზომიერად ამაზე შეეძლო ქალაქის ხელისფლებას ეფიქრა, სამწუხაროსდ ეს ესე არ ხდება. იგივეა ვერის ხეობაში, შეიძლება ბევრი ვიდავოთ ეს ესტაკადის მშენბელობა არის თუ არ საჭირო და შეიძლებოდა თუ არ რაიმე სხვა ალტერნატივის გამოძებნა, ეს სადავოა, მაგრამ განტვირთვა, რომ იყო აუცილებელი და მართლაც ჭირდებოდა ქალაქის ქუჩებს, მაგრამ არის მოსაზრება, რომ ეს არ არის ის გზა, რომელიც მართლა გადაჭრის თბილისის ქუჩებში წარმოშობილ პრობლემას. ვფიქრობ ამაზე არავინ არ იდავებს, რომ ასეთმა ვერაგულმა დამოკიდებულებამ გაანადგურა ვერის ხეობა. ამ მოჭრილმა მიწის ნაკადებმა ჩვენ კიდევ არ ვიცით სად შეიძლება იჩინოს თავი. მეწყრული, ეროზიული მოვლენების განვითარების თვალსაზრისით და ასეთი ბევრი პრობლემა. ეხლა მეუბნებიან მე ამ წინა საარჩევნოდ, რომ კუს ტბა ჟონავს და ვაკეში ჩამოდის ეს გამდინარე წყლები, თავის დროზე იქ მოხდა ხელოვნური ჩარევა და შესაძლოა ეს პრობლემა მაინც გაჩენილიყო, მაგრამ ძალიან სერიოზულად არის მოსახლეობა შეშფოთებული. პრობლემა მართლაც სერიოზულია, თუ ეს მართლაც ხდება, წარმოდგენაც კი მიჭირს სამომავლო შედეგებზე.

თქვნი, ახსენეთ, რომ კამათს იწვევს ის, რომ იყო თუ არა საჭირო ესტაკადა? და რა ბედი ეწევა მას?

ჩვენ ვითხოვდით, რომ გვენახა პროექტი და ხარჯთაღრიცხვა, მაგრამ სამცუხაროდ მივიღეთ ასეთი ფანტასტიური პასუხი, რომ თურმე მსოფლიოში თანამედროვე არქიტექტურაში და მშენებლობაში აღარ ხდება წინასწარი პროექტირება, პოექტირება ხდება მიმდინარე მშენებლობის დროს. მე არ ვიცი შესაძლოა მე დროს ძალიან ჩამოვრჩი, მაგრამ მსგავსი რამ არცერთი პროფესიონალისაგან არ მომისმენია. ეს იყო ტემპი, რომელიც ხელისუფლებას სჭირდებოდა რაღაცა თარიღებისათვის.

ამასთან დაკავშირებით, რადგან ესტაკადაზე ვსაუბრობდით, მინდა გკითხოთ, რკინიგზის გადატანასთან დაკავშირებით თქვენი აზრი. რა შედეგები შესაძლოა მოიტანოს რკინიგზის გადატანამ, რა შედეგი შეიძლება მივიღოთ იგივე ქალაქის განვითარების მხრივ. როგორ ფიქრობთ ამ დროისათვის არის თუ არა გადატანაზე ფიქრი აუცილებელი?

იცით მე ეს პროექტი, წვრილმანებს არ ვგულისხმობ ანუ პროექტირებას ვიცნობ იმ პერიოდიდან, როდესაც ტრანს-კავკასიურ რკინიგზაზე იყო საუბარი. მე მაშინ სტუდენტური მოძრაობის აქტიური წევრი ვიყავი და ჩვენ ვიბრძოდით ამ პროექტთან დაკავშირებით სწორედ ეკოლოგიური მოსაზრებებით. მაშინ გავიგე მე, რომ არსებობდა შემოვლითი რკინიგზის იდეა, თავისთავად იდეა შესაძლოა ცუდი არ იყოს, რომ ქალაქს არ ჭრიდეს შეაზე და უზარმაზარი ტერიტორი არ იკარგებოდეს, ერთი მხრივ და მეორე მხრივ, ხმაურის თავლსაზრისით და გარეუბანში იყოს. არა მგონია, რომ პროექტი მზად იყოს გნებავთ ხარჯთაღრიცხვის თვალსაზრისით და გნებავთ წმნიდა საინჟინრო თვალსაზრისით, სად და როგორ აპირებენ ამის გაკეთებას, არის თუ არა შესწავლილი საერთოდ, ის ტერიტორია, აღარაფერს ვამბობ, ეკოლოგიის თვალსაზრისით არის თუ არა შესწავლილი. არა მგონია, რომ ეს ასე სწრაფად განხორციელდეს და იმედი მაქვს ამასობაში რამე შეიცლება.

თქვენი გამარჯვების შემთხევაში ამ მიმართულებებით რა მოლოდინი შესაძლოა გვქონდეს?

ესტაკადას აღარაფერი აღარ ეშველაბა, იმიტომ, რომ რაც გასაფუჭებელი იყო ის უკვე გაფუჭდა, ალბად მშენებლობა არჩევნებამდე რაღაცა დოზით დასრულდება, შეიძლება ბოლომდე დასრულება ვერ მოესწროს, მაგრამ ვინც არ უნდა მოვიდეს ის იძულებული იქნება, რომ ეს დაასრულოს, მაგრამ თუ ოდნავ რაიმე არის შესაძლებელი, რომ არ გაფუჭდეს მდგომარეობა გარემოს დაცვის მიზნით რაღაც ღონისძიებები ნამდვილად უნდა გატარდეს. ყველაფერს რომ თავი დავნებოთ იქ სერიოზული ნაპირსამაგრი სამუშაობები უნდა ჩატარდეს. ვაკისა და საბურთალოს ტერიტორიაზე უამრავი შენობა ააშენეს, რამაც კიდევ უფრო დაამძიმა მდგომარეობა იმ თვალსაზრისით რომ, მშენებლობის პროცესში არ იყო გათვალისწინებული კანალიზაციის და წყლის კომუნიკაციის მილების ჩაყრა, არაფერს ვამბობ მისასვლელ გზებზე და ა.შ. უაზროდ გადატვირთულია ეს ტერიტორია, მაგრამ ამ ჩამოჭრილმა მიწამ შესაძლოა გააჩინოს ახალი პრობლემა და ამან უამრავი კატასროფები გამოიწვიოს, ასე რომ, იქ ძალიან სერიოზული სამუშაობები იქნება ჩასატარებელი ამ თავლსაზრისით.

ანუ რას თავაზობთ საზოგადოებას?

ესტაკადას მიმდებარე ტერიტორიაზე არსებობს მწვანე ზოლი. სადაც უკვე მოიჭრა დახლოებით 20 ხე, სააკაშვილი თავს იწონებდა, რომ კი მოიჭრა 20 ხე, მაგრამ ჩვენ იქ ვგეგმავთ 2000 ხის დარგვას. ამ ტერიტორიაზე უნდა მოხდეს ხელოვნური განაშენიანება მწვანე საფარისა, რომ ერთი მხრივ ნიადაგიც შენარჩუნდეს და მეორეს მხრივ ეს არ იყოს რაღაცა შიშველი სიმწვანისაგან და შიშველი ჰაერისაგან, იმიტომ, რომ რაც არ უნდა დაფარული ესტაკადა იყოს, იქ თავისთავად არის გამონაბოლქვი და აჩენს ეკოლოგირად არასასურველ მდგომარეობას ჰაერში.

მინდა გკითხოთ წყალთან დაკავშირებითაც, თბილისის მოსახლეობისათვის სუფთა წყალი კვლავ პრობლემაა. წყლის ნაწილი ღია საცავიდან მოდის და მისი ბიოლოგიური გაწმენდა არ ხდება, ამ მიმართულებით რა გაკეთდება?

მე პირდაპირ შემიძლია გითხრათ, რომ აბსოლიტურად გაუმჭირვალედ მოხდა თბილისისი წყლის გასხვისება, ჩუმად საზოგადოების ზურგს უკან და მერე როგორც აღმოჩნდა, არასათანადო პირობები იქნა ჩადებული სახელმწიფოს მხრიდან მყიდველი კომპანიის ვალდებულებების თვალსაზრისით. დღეს ბევრს ლაპარაკობენ წყლის ფასზე, მაგრამ არანაკლებ მნიშვნელობანია სწორედ ის, რომ ამ კომპანიას ჰქონდა ვალდებულება, სისტემისა შეცვლისა, რომელიც ძალიან მოძველებულია. შეიძლება სადღაც გაიწმინდოს კიდეც, მაგრამ ვიდრე მოსახლეობამდე მივა იქ შესაძლოა ძალაინ ბევრი დაბინძურების წყარო არსებობდეს, სწორედ ამ დაზიანებული მილების გამო. სათაო ნაგებობები უნდა მოწესრიგებულიყო ისე რომ, წყლის გაწმენდის პრობლემა არ ყოფილიყო. ჩვენ როგორც გვეუბნებიან იურისტები, ხელშეკრულების გადახედვის შესაძლებლობა არსებობს.

თუმცა ძნელია წყლის ხარისხზე ვიმსჯელოთ და ხელშეკრულების გადახედვის შესაძლებლობაზე, მაშინ როცა ხელშეკრულება გასაიდუმლოებულია.

დიახ, მე იმედი მაქვს, როდესც თბილისის მაშტაბით ხელისუფლებაში მოვალთ, მაშინ თბილისის ხელისუფლებას ექნება შესაძლებლობა იმისა, რომ ნახოს ხელშეკრულება. ამას მალავს ორივე მხარე, მყიდველი კომპანია და ხელისუფლება. თუ სახელმწიფოს ოფიციალური წარმომადგენელი იქენი შენ და გექნა იმის შესაძლებლობა და პოლიტიკური ნება ამას ვეღარ დაგიმალავს და შესაბამისად, არსებობს გადახედვის შესაძლებლობაც და სხვა მექანიზმები. ჩვენ არ ვამბობთ, რომ ნაციონალიზაცია უნდა მოხდეს, ამ შემთხვევაში ეს კიდევ ახალ უბედურებამდე მიგვიყვანს ყველა მიმართულებით, რომ ნაციონალიზაცია დაიწყოს ქონებისა, მაგრამ იქ უნდა ჩაიდოს ვალდებულებები, რომლებიც ინვესტორს, უკვე მფლობელს აიძულებს, რომ ძალიან სერიოზული ინვესტიცია განახორციელოს და არ იყოს ეს მისთვის მარტო მოგების წყარო. წყალი თბილისში საკმაოდ ძვირია, მაგრამ ჩვენ ამ ძვირი გადასახადის შესაბამის მომსახურეობას ვერ ვიღებდით მაშინ როცა სახელმწიფო საკუთრებაში იყო და ვერც ეხლა, როცა კერძო საკუთრებაშია.

ნარჩენებთან დაკავშირებით მინდა თქვენი დამოკიდებულება გკითხოთ. მართალია თვალსაჩინო ნარჩენები გააქვთ, მაგრამ სად და როგორ ეს ცალკე თემაა. ფაქტიურად გადავსებულია ნაგავსაყრელები და პრობლემიდან გამოსავალი არ ჩანს. ამ კუთხით რას გაკეთებთ?

იცით მე არა ვარ ამ საქმის პროფესიონალი და ჩემგან იქნებოდა ძალიან დილეტანტულრი, რომ დამეწყო პროფესიონალურად ამაზე მსჯელობა, თუმცაღა არსებობს წარმატებული გამოცილება დემოკრატიულ ქვეყნებში და ამის გადმოტანა შეიძლება. მსმენია, წამიკითხავს ამის თაობაზე, მომისმენია ევროსაბჭოს ასამბლიის წევრი ვიყავი და დავსწრებივარ სერიოზულ დისკუსიებს, რომელიც ნაგავის უტილიზაციას ეხებოდა. ეს არ არის მარტო ჩვენი პრობლემა, ეს სერიოზული პრობლემაა მთელ მსოფლიოში ძალაინ ბევრი ნივთიერება არ ექვემდებარება ამ უტილიზაციას და მთელი სიტემებია შემოტანილი მოსახლეობის ვალდებულებისა, რომ არის ნაგვის დახარისხება აუცილებელი, არის რაღაც, რაც ცალკე პარკში უნდა ჩაიყაროს, არის რაღაც რაც ორგანულია და იმის გადამუშავება ხდება, მაგრამ მთავარია, საბოლოო წერტილი რა არის ამ ყველაფრისა. როგორც ამბობენ, თბილისში არსებობდა პროექტები ნაგვის გადამამუშაველებლი ქარხნის შექმნისა, მაგრამ ეს გადაიქცა რაღაც ბიზნეს ომების თემად, ამბობენ, რომ ეს არის ძალიან მომგებიანი ბიზნესი, იმიტომ, რომ ნედლეული არსებობს ჭარბად, ასე ვთქვათ, ამას სჭირდება მხოლოდ გადამამუშავებელი რაღაც ხაზები და რომ კლანებს შორის მიდიოდა ძალიან სერიოზული ბრძოლა, თუ ვინ დაადებდა თათს ამ ბიზნეს. მე აღარ ვიცი ეს როგორ გაგრძელდა, ფაქტია, რომ ჯერჯერობით ასეთი რამ არ მომხდარა, ერთი რამ ვიცით, რომ ნორიოში გადაწყვიტა ხელისუფლებამ ამ ტიპის ნაგავსაყრელის გაკეთება, მაგრამ არ იყო ადგილი კარგად შერჩეული და უკან გადმოიტანეს, რადგან დასახლებული ადგილი იყო ძალიან ახლოს, სოფელი აპროტესდება. ჩვენი წარმომადგენლებიც არაერთხელ იყვნენ ამ პროტესტის გამო მისული მოსახლეობასთან, მაგრამ არა მგონია, რომ საქართველოში არ იყოს ადგილი, სადაც გადამამუშაველი ქარხნის აგება არ იყოს შესაძლებელი, რომ არ დაზიანდეს გარემო და ღია ნაგავსაყრელები არ იყოს.

ანუ თქვენ გადამამუშავებელი ქარხნის აგებას მხარს დაუჭერთ?

ვფიქრობთ, მაგრამ ეს არის პროფესიონალების მონაწილეობით გადასაწყვეტი.

მინდა ჩაგეკითხოთ, გადამაუშავებელ ქარხანაში თქვენ რას გულისხმობთ, ნარჩენების გადამუშავებას თუ დაწვას?

როგორც გითხარით მე არა ვარ ამ საქმის პროფესიონალი და ძალიან დილეტანტიზმი იქნებოდა, რომ მე გითხრათ ამასთან დაკავშირებით რაიმე, მაგრამ პრობლემა არსებობს და ამ პრობლემას ჭირდება გადაწყვეტა.

დაახლოებით ერთი თვეა, რაც ქალაქის მერმა გიგი უგულავამ ხელი მოაწერა კოვენანტს. რაც გულისხმობს, რომ ჩვენ 2020 წლისათვის ვალდებულებას ვიღებთ ჩვენ თავზე, რომ სათბული გაზების მოხმარებაც 20% შევამცირებთ, რომელიც მავნე გავლენას ახდენს კლიმატის ცვლილებაზე. გამარჯვების შემთხევაში ირაკლი ალასანი ამ ვალდებულებას საკუთარ თავზე აიღებს?

მე არ ვიცი ვისთან ერთად მოაწერა ხელი?

კოვენანტს ხელს აწერენ ევროკავშირის მერები.

ჩვენ ამ შემთხევაში მინდა გითხრათ, რომ საეთაშორისო ვალდებულებებს და განსაკუთრებით ირაკლი ალასანია ამ ხრივ ძალიან სერიოზული გამოცდილება აქვს და ჩვენთვის ინტეგრაციის თემა არის ძალიან სერიოზული და მნიშვნელოვანი თემა სახელწიფოებრივ დონეზე, რა თქმაუნდა ამ ტიპის ვალდებულებებს ჩვენ ძალიან დიდი ყურადღებას მივანიჭებთ. მე არ ვიცნობ ამ ხელშეკრულებას.

უკან
ინტერვიუები
მხარდაჭერილია საქართველოში ნიდერლანდების სამეფოს საელჩოს მიერ
Copyright © Green Alternative. All rights reserved