Independent Forest Monitoring




პარტიები გვპირდებიან

ადგილობრივი თვითმმართველობის არჩევნები 2010

ინტერვიუ ,,საქართველოს გზის’’ ლიდერთან სალომე ზურაბიშვილთან

4 მაისი, 2010 წ.

როგორ ფიქრობთ, გარემოს დაცვის კუთხით რა პრობლემებია თბილისში, რომელიც თბილისის მოსახლეობას განსაკუთრებულად აწუხებს?

სხათაშორის მე ცოტა მიკვირს თქვენი მიდგომა, რომ თქვენ ეკითხებით პოლიტიკურ პარტიებს, თუ რა პროგრამა რა პლათფორმა აქვთ. პირველ რიგში, თქვენ უნდა აგეტეხათ განგაში იმის შესახებ, რაც თბილისში ხდება. ამის საშუალება და დრო პარტიებს არ აქვთ და ეს მათი სპეციალიზაციაც არ არის, რომ კონკრეტული გამოკვლევა ჩაატარონ ამა თუ იმ სფეროში. თქვენ უნდა გქონდეთ ძალიან სერიოზული მოთხოვნები და წარუდგინოთ პარტიებს, თქვენი მოთხოვნების სია, რომ მათ საკუთარ თავზე აიღონ თქვენი მოთხოვნების შესრულება. მთელ მსოფლიოში ასე მუშაობენ მწვანე ორგანიზაციები. მე შემიძლია გითხრა, რომ ეკოლოგია საშინელი მდგომარეობაშია, მაგრამ რა ვალდებულებებს ვიღებ მე თქვენ მიმართ? - ის რომ პროგრამაში რამე მეწეროს? ეს არაფერს ნიშნავს. პროგრამებში ყოველთვის ყველაფერი კარგად იწერება, მაგრამ რა სრულდება ეს სულ სხვა თემაა. თქვენ პირდაპირ უნდა თხოოთ პარტიებს, რომ ვალდებულებები აიღონ, საზოგადოების წინაშე. თბილისში გარემოს დაცვის საკითხები, საშინელ დღეშია. არაფერი არ კეთდება, არც მწვანე ადგილების დაცვის კუთხით, არც ტრანსპორტის საშუალებების დაცვის კუთხით. არ არის გათვლილი, როგორ უნდა შემცირდეს ტრანსპორტისაგან გაჭუჭყიანების ფაქტორები. კეთდება რაღაცეები, მაგრამ ეს ყველაფერი არის ცალ-ცალკე დაგეგმილი და ერთდროულად მოფიქრებული არ არის. ვინმემ გათვალა რა მოუტანა თბილისის ცენტრს სამკუთხედმა? ბუნებრივად იყო პროტესტი, მაგრამ ეს შესწავლილი არ არის. ქალაქის დასუფთავებაც ზედაპირულად ხდება. თვალსაცემი ნაგავი გააქვთ, მაგრამ როგორ გააქვთ, სად გააქვთ, რა მოსდის ამ ნაგავს ეს გაუგებარია. პრობელმაა თბილისის წყალსაცავის დასუფთავება. რას ვჭამთ, რას ვსვამთ, ეს ყველაფერი ჩემთვის გაუგებარია. თუ საწყისი სამუშაო არ არის გაკეთებული იმ ორგანიზაციების მიერ, ვინც ამ ბრძოლაში პირველ ხაზე არიან, პარტიებს ზოგადი პრინციპები აქვთ. ჩემი დიდი ეჭვია, რომ თქვენ ყველა გეტყვით, რომ შექმნილი მდგომარეობით უკმაყოფილოები არიან, - გარდა ნაციონალური პარტიისა, რომელიც თავს მოიწონებს. სხვა პარტიები ბრტყელ-ბრტყელი სიტყვებით გეტყვიან, ჩვენ თუ მოვალთ ხელისუფლებაში ამ საკითხებით დავინტერესდებით. მაგრამ ეს არ არის საკმარისი. უნდა არსებობდეს ქარტია, მოთხოვნები და ამ ქარტიაზე თქვენ უნდა მოთხოვოთ პარტიებს, რომ ხელი მოაწერონ და ვალდებულები აიღინ, თუ თქვენ გარკვეული გაქვთ, თუ რა არის ის საკითხები, რომლებზეც გვჭირდება პარტიების დათანხმება, იმ შემთხვევაში, თუ ისინი მოვლენ ხელისუფლებაში.

თქვენ ახსენეთ ნარჩენები, როგორ ფიქრობთ როგორ უნდა მოგვარდეს ეს პრობლემა?

ჩემი პროგრამაში რომელიც 2008 წლისათვის დაიბეჭდა გვქონდა ხედვა ნარჩენებთან დაკავშირებით.
პარტიები არიან საზოგადოების ანარეკლი, თუ არ არის საზოგადოებაში მოთხოვნა, რომ ეს საკითხი მოგვარდეს, პარტია არაფერს გააკეთებს.

მე თქვენი ნათქვამი ასე გავიგე, თუ არ იქნება საზოგადოების მოთხოვნა და არასამთავრობო ორგანიზაციების ამ პროცესში ჩართულობა, მაშინ საქართველოში გარემოს დაცვის კუთხით არაფერი არ გაკეთდება?

სამწუხაროდ ეს არის რეალობა ამ დრომდე

ანუ არასამთავრობო ორგანიზაციების უმოქმედობის ბრალია ეს ყველაფერი?

დიახ. მე როგორც პარტიას, თუ მეცოდინება, რომ ამის გამო, რომ ჩემს პროგრამაში არ არის ჩადებული ამ პრობლემებზე კონკრეტული პასუხები, თუ მეცოდინება, რომ მე ამის გამო ხმას ვერ მივიღებ და ეს იქნება ერთ-ერთი ფაქტორი ჩემი დამარცხების. მაშინ მე სხვანაირად მოვეკიდები ამ საკითხს. მე ზედაპირულად ვლაპარაკობ, მაგრამ ჩემ შემთხვევაში მე მაქვს ხედვა, რწმენა და მრწამსი, ეკოლოგიური საკითხების მიმართ. შეიძლევა იმიტომ, რომ მე ევროპაში გავიზარდე და ეს ყველაფერი იქ უფრო ადრე დაიწყო. ზეწოლა აუცილებელია.

ანუ ზეწოლა არის აუცილებელი რამის გასაკეთებლად?

რა თქმა უნდა.

თქვენ საუბარი დაიწყეთ ესე, რომ ეკოლოგია კატასტროფის ზღვარზეა, თქვენი გამარჯვების შემთხვევაში რა ბერკეტებს გამოიყენებთ ამ პრობლემების მოსაგვარებლად?

პრობლემები ძალიან ბევრია... გახსოვთ ალბად, გლდანის მოსახლეობის პროტესტი, რა გაკეთდა ამ კუთხით, ვინ მოაგვარა მათი პრობლემა?
ვერ გეტყვით რა უნდა გაკეთდეს ამ კუთხით, გადამამუშავებელი ქარხანა ძალიან ძვირია.

მაგრამ გამოსავალი უნდა მოიძებნოს, მსოფლიოში უამრავი თანამედროვე ტექნოლოგიები არსებობს. თქვენი რას ფიქრობთ თქვენი გამარჯვების შემთხვევაში ამ კუთხით რა გაკეთდება?

მე გადამამუშავებელი ქარხნის მომხრე ვარ, მაგრამ ეს განაცხადი არაფრის მთქმელია. არ არის შესწავლილი რა დაჯდება, ერთ ქარხანას რამდენი ნაგვის გადამუშება შეუძლია. რამდენი ქარხანა იქნება საჭირო. ამისათვის თქვენი დახმარება გვჭირდება. თქვენ უნდა მეუბნებოდეთ, რომ სხვადასხვა ტექნოლოგიები არსებობს, რომ ეს ქარხანა ამდენი ჯდება. თქვენ უნდა ეუბნებოდეთ მოსახლეობას, რომ ეს ჯდება ამ ხიდის ნახევარი და უნდა ქმნიდეთ განწყობას ხალხში, რომ ეს მნიშვნელოვანია. მე როგორც პოლიტიკური პარტია დაგეთანხმებით და ვიტყვით, რომ მე თქვენ ანალიზსა და გათვლებს ვეთანხმები და ჩემ თავზე ვიღებ ვალდებულებას, რომ პირველ წელს ამ ქარხნის მშენებლობას დავიწყებ. თუ ეს გაკეთებული არ არის და ამაზე არავინ ლაპარაკობს, ამ კუთხით არაფერი გაკეთდება.
მეორე პრობლემა არის მკვდარი მტკვარი. რომელიც საშინელ დღეშია. ყველა ჭუჭყიანი წყალი მტკვარში ჩაედინება. ეს გასაკეთებელია და ეს ყველამ კარგად იცის, მაგრამ არ ვიცით რა დაჯდება... დიდი პრობლემაა ეკოლოგიური ნარგავები რომელიც ნადგურდება. პრობლემაა მზიურის განადგურება, სადაც ესტაკატას აშენებენ და მეორე მხრიდან კლდეს ჭრიან. რა ეშველება ამ საკითხს?

როგორ ფიქრობთ ესტაკადა განმუხტავს ქალაქში მოძრაობას?

არ ვიცი. მაგიდაზე უნდა მედოს პროფესიონალების ანალიზი და მას შემდეგ გეტყოდით რა შეიძლება ესტაკადამ ქალაქს მოუტანოს. მე ვერ მომთხოვთ, რომ პარტია იყოს პოლიტიკური და ამავე დროს ჩემთვის მუშაობდნენ ინსტიტუტები...

თუ პარტიას ამბიცი აქვს, რომ მოვიდეს ხელისუფლებაში და მისი კანდიდატი მერი გახდეს, მაშინ ალბათ ლოგიკურია, მას ჰქონდეს ხედვა ამ საკითხებთან დაკავშირებით.

არა. მე გეუბნებით რომ არა. თუ გინდათ ჩემგან ტყუილის თქმა, გეტყვით ტყუილებს, მაგრამ სერიოზული ჩამოყალიბებული ხედვა ქონდეს პარტიას ამ საკითხებთან დაკავშირებით წარმოუდგენელია. მე შემიძლია გითხრათ, რომ მე ხეების მოჭრის წინააღმდეგი ვარ. წინააღმდეგი ვარ, რომ თბილისში ავტომანქანების რაოდენობა გაიზარდოს. სასტიკი წინააღმდეგი ვიყავი ყვითელი ავტობუსების. მე არ მახსოვს არცერთი მწვანე ორგანიზაციების პროტესტი, ამ თემასთან დაკავშირებით. ჩვენ შემოვიტანეთ მეორადი ავტობუსები, რომლებიც აღარ აკმაყოფილებს ეკოლოგიურ სტანდარტებს.

თქვენი კანდიდატის გამარჯვების შემთხვევაში ამ მიმართულებით რა გაკეთდება?

ახალი ზომები იქნება მიღებული. მაგრამ არ ვიცი რა თანხები დაგვხვდება ბიუჯეტში, რა თანხები დაგვჭირდება მინიმალურ ჯანდაცვაზე. ვალდებულებების აღება დღეს არასწორია. მე რომ გითხრათ, რომ პირველივე დღეს გადამამუშავებელ ქარხანას ავაშენებთ ეს არასერიზული ნათქვამი იქნება.

ანუ რას გულისხმობთ, როგორ უნდა მოგვარდეს პრობლემბი?

თქვენ უნდა გააკეთოთ ეს ყველაფერი. თქვენ ჩემთან კი არ უნდა დადიოდეთ კითხვებით, თქვენ სერიოზულად უნდა იმუშაოთ ქალაქის ეკოლოგიურ საკითხებზე. თქვენ უნდა გქონდეთ პარტიებისაგან წინასწარ ხელმოწერილი დოკუმენტი, თუ რას გააკეთებენ ამ საკითხებზე გამარჯბევის შემთხვევაში. თუ მომიტანდით მსგავს ქარტიას, მე ხელს მოვაწერდი.

მე გეტყვით, რომ ბერი რამე არ უნდა კეთდებოდეს, მაგალითად ესტაკადა. ეს არის საშინელება. ყველა ევროპულ ქალაქებში მუშაობენ იმაზე, რომ გაიზარდოს ეკოლოგიურად სუფთა გადაადგილების საშუალებების რაოდენობა, მაგალითად ტრამვაი და ტროლეიბუსი. მე რომ გითხრათ, რომ დავანგრევ ესტაკადას, ეს სერიოზული ნათვამი არ იქნება, უნდა იქნას შესწავლილი რა დაჯდება მისი დემონტაჟი.

რკინიგზის გადატანასთან დაკავშირებით რა შეგიძლიათ გვითხრათ?

ჩვენ რომ მოვალთ მმართველობაში შევისწავლით ამ პროექტს, იქნება ფართო მსჯელობა. მე ვფიქრობ, რომ პროექტში არ არის გათვალისწინებული ეკოლოგიური საკითხები. მე არა მგონია თბილისის ზღვაზე რკინიგზის გადატანა გამართლებული იყოს, თბილისის ზღვა უნდა იყოს შენარჩუნებული.

ჩვენ ვიბროდით, რომ შენარჩუნებული ყოფილიყო იპოდრომი, მაგრამ ვერაფერს მივაღწიეთ. კიდე შეიძლება იპოდრომის, დიღმის-ტყე პარკის, მთაწმინდის და კუსტბის გადარჩენა. ეს არის ჩემი პრიორიტეტეტბი, მაგრამ ამ ყველაფერს კიდე ჭირდება შესწავლა. გადარჩენა იმისი, რისი გადარჩენაც შეიძლება, უფრო სასწრაფოა, ვიდრე იმისა დანგრევა რაც უკვე გაკეთებულია.

მთელი საქართველო გახდა ევროპის სანაგვე. რაც მანქანები შემოდის, აღარ აკმაყოფილებ ეკოლოგიურ სტანდარტებს. ყველაფერი უნდა იქნას შესწავლილი. ჩვენ არ გვინდა ტყუილით მოსვა, არ ვიცით რა თანხები დევს ბიუჯეტში, არ ვიცით რის გაკეთებას შვძლებთ. ცხადია, რომ ახალი პრიორიტეტები იქნება. ირაკლი ალასანია გამარჯვების შემთხეხაში დამოკიდებულება შეიცვლება. ჩემი აზრით უნდა შეიქმნას ინსტიტუტები, რომლებიც იზრუნებენ მოსახლეობაზე, მაგალითად ჰაერის გაზომვა უნდა ხდებოდეს ყოველდღიურად და მოსახლეობას უნდა უცხადებდენ თუ რამდენი ჰაერი იქნება დღის განმავლობაში. ყველა ევროპულ ქალაქში ეს ინსტიტუტი არსებობს, ისინი უფრთხილდებიან თავის მოსახლეობას. ჩვენ თუ გვინდა, ეს ქვეყანა ცივილიზებულ ქვეყანად იქცეს, მუშაობა ამით უნდა დავიწყოთ.

უკან
ინტერვიუები
მხარდაჭერილია საქართველოში ნიდერლანდების სამეფოს საელჩოს მიერ
Copyright © Green Alternative. All rights reserved