! საქართველოში ბოლო 30 წლის მანძილზე სტიქიური პროცესების სხვადასხვა ხარისხის საშიშროების რისკის ქვეშ მოექცა 3 ათასამდე დასახლებული პუნქტი (ქვეყნის დასახლებების 80 პროცენტი), დაახლოებით 400 ათასი ოჯახი.

! ქვეყნის ეკონომიკისადმი ყოველწლიურად მიყენებული ზარალი საშუალოდ 100-150 მლნ. დოლარს შეადგენს, 2004 წელს კი ზარალმა 300 მლნ დოლარს მიაღწია.

! ადამიანის არასწორი საქმიანობით გამოწვეული სტიქიური პროცესების პროვოცირება იმდენად მაღალია, რომ დღეს თითქმის შეუძლებელია ბუნებრივი და ანთროპოგენური ფაქტორებით წარმოქმნილი პროცესების ერთმანეთისაგან გამიჯვნა.

! სტიქიური პროცესების ხელშემწყობ ანთროპოგენურ ფაქტორებს შორის გამოყოფენ: სასოფლო-სამეურნეო პრაქტიკას, ურბანიზაციულ ზეწოლას, ინფრასტრუქტურულ პროექტებსა და სამთო-მოპოვებით მრეწველობას.